أماير ولد لجواد لك نوصفا*كان رافقك تلقي عليه دليل
أن حدث صدق وأن كان عاهد وفا**وإيشيل الصليبه فوق حمل ثقيل
وأن فيها برم بسياسته تصفا**أن خاضت وحاست حوسة التبتيل
وإيدير عليك أن حالتك تشفا**وأن كان عاندك تنضر معاه الويل
أعداه صفهم خاسر ورابح صفا**وأن صار سوق مقبوضه فراسة خيل
لجواد فالكروب أتبان بمواقفها**أمنين المعلق في أديار الشيل
معلاقة دقيق إيطيح وين أتهفه**أن تمت الريح أمصادرا الرحيل
واللي مو أموالف عالصلوب أتخفه**تغلب وبات أمبات قبل الليل
ولاخر أمصولب لاتعب لا غفا**وعنده ال100ميل كيف الميل
من عليه إتهون العمر دون شرفا**وفيه غيرهم فرط بشئ قليل
طريق المطامع ياصاحبي أمحرفا**أن جاك الزمان الصبر راه جميل
أخيار ماعطا عبده عطاه العفه**الخالق اللي بالرزق راه هو الكفيل
أتبين أعيوب الناس وأتنظفا**إيقولو العازة للرجال غسيل
فيهم جميع الخافيه تكشفا**وأن صار كرب مايصمد ألا لأصيل
شديد عزم لا يضعف ولا إيتهفا**يصمد أمام الدايليين أن ديل
وأن كان ديل لا يحقد ولا يشفا**ويرحم أن جاه عزيز قوم دليل
ليام كفتين أن كان زادت كفه**علي وزن كفه عندهن تمييل
وأن كان أستوت في ثقل والا خفا**تقادن وصار لوضعهن تعديل
الدنيا غروره ماي دوم أترفه**لاترتبط بالفانية بالحيل
أحيانا هناها بالشقا أتقفا**وأوقات النكد بالفرح فيه أتزيل
والا أنجت عليك تحزن أتقارفه**والا أمعاك ضحكته عليك أتخيل
وهذي قصيده في علل مقفا**خذتني بعيد وما أنريد أنطيل
نعاود علي مضمونها وهدفا**فضايل ضنا لجواد بالتفصيل
لجواد عرقهم حتي أن كان صارت جفا**إيطول فالثرا يصمد زمان طويل
خير من بعض مالتمر طيب حشفا**لجواد أنخلتهم غالبه النخيل
لجواد للغريب اللي أصداره دفا**من غير دفع مال أبيوتهم هوتيل
وأبيارهم منافز مالعطش فالنفه**لعابر السبيل أمشرعات سبيل
وكلمة أجوايدي راه مورادفها**أنسان شهم صادق وقول ومفاعيل
وأن صار نقص م الخلفه اللي خلفا**لحوال أتغير بين جيل وجيل
أحيانا بزين أتفوت زين سلفا**تردع أبطبعه لولي وأتميل
ومرات تحدث للعقابي شفا**حتي لرض صار لنيته تبديل
لكن بها بكل اللي تعرفا**الراس راس مايخلف مكانه ذيل
السيل جرته فالرخا ماتخفى**وخلفة أخيار الناس فالتبديل
ومارة الربيع اللي قعد فالرفه**معا فم البيت تشاهد الزغليل
ومهما الزمان أتصيرله من لفه**الزين زين ديمه والنذيل نذيل
هذه القصيدة للشاعر الكبير عبدالسلام بوجلاوي
وأتمني أن تجني أطيب قطوف أعجابكم
وأسلمتوا
شكرا أخي أدمين ع المرور وأضافة رد
العفو ..وننتظر منك مشاركات اخرى مميزه ..